Son Heung-min hefur lokið þriggja vikna herþjálfun sinni í Suður-Kóreu og getur því snúið aftur til Englands.
Son vann Asíuleikana með landsliði Suður-Kóreu 2018 og vann sér þannig inn leyfi til að sleppa hefðbundinni herskyldu sem varir í tæp tvö ár.
Þess í stað þurfti hann að ljúka þessu grunnnámskeiði, auk þess að þurfa að skila inn 544 klukkustundum af sjálfboðaliðastarfi á næstu þremur árum.
Son stóð sig vel í þjálfuninni og hlaut Pilseung verðlaunin fyrir að vera meðal einkunnahæstu hermanna í 157 manna hópi. Sky Sports greinir frá því að skotnýting hans hafi verið fullkomin.
Son mun líklega þurfa að fara í tveggja vikna sóttkví þegar hann snýr aftur til Englands. Stefnt er að hefja úrvalsdeildartímabilið að nýju í seinni hluta júní.
Athugasemdir