Þingsflokkur Viðreisnar hefur lagt fram þingsályktun sem vonast er til að tekin verði fyrir á Alþingi í næstu viku.
Tillagan snýst um að öll börn og unglingar á aldrinum 6-18 ára fái sent gjafabréf upp á 25.000 krónur til að nota í starf hjá íþróttafélögunum í sumar og næsta vetur.
Tillagan snýst um að öll börn og unglingar á aldrinum 6-18 ára fái sent gjafabréf upp á 25.000 krónur til að nota í starf hjá íþróttafélögunum í sumar og næsta vetur.
Hanna Katrín Friðriksson, þingmaður Viðreisnar, segist sannfærð um að þetta sé góð leið til koma í veg fyrir að erfiðar aðstæður á mörgum heimilum komi niður á íþróttaiðkun barna og unglinga, og þar með starfi íþróttafélaga.
„Samdráttur í starfi íþróttafélaga, sér í lagi skerðing á fjölbreytni starfsins, eykur líkurnar á því að hópur ungmenna hætti þátttöku í íþróttastarfi eða hefji hana aldrei. Einnig er sérstök hætta á því í ljósi neikvæðra áhrifa efnahagssamdráttarins á tekjur fjölda fjölskyldna. Það er því miður hætt við því að íþrótta- og tómstundastarf barna mæti afgangi hjá þeim sem verst verða úti," segir í greinargerð með tillögunni.
Athugasemdir
