Kristian Hlynsson leikmaður Ajax og íslenska U-21 árs landsliðsins var hreint út sagt magnaður í 3-1 sigri á Hvíta Rússlandi í næst síðasta leik undankeppninnar fyrir Evrópumót U-21 árs landsliða en leikurinn fór fram á Víkingsvelli í dag.
Þetta hlýtur að hafa verið mjög sætur sigur?
"Já sérstaklega í seinni hálfleik, þeir komast inn í leikinn með því að skora snemma þannig það var gríðarlega sætt að klára þetta í lokin" Sagði Kristian í viðtali við Fótbolta.net eftir leik.
Lestu um leikinn: Ísland U21 3 - 1 Hvíta Rússland U21
Íslenska liðið gerði vel í fyrri hálfleik að pressa Hvít-Rússana en svo í seinni hálfleik skipti Davíð Snorri um leikkerfi og leyfði Hvít-Rússunum að sækja aðeins.
" Já í fyrri hálfleik þá settum við á þá og náðum að skora tvö mörk en svo í seinni koma þeir með miklum krafti inn í leikinn og minnka í 2-1. Við breyttum bara um leikkerfi úr 4-4-2 í 3-5-2 til þess að læsa leiknum og það gekk vel enda náðum við að klára þetta í lokin"
Hvernig sá Kristian þetta hlaup hjá Kristali Mána í 2. marki Íslendinga?
"Ég sá hann ekki sko, ég heyrði bara í honum fyrir aftan mig. Hann kallaði á mig og ég setti hann bara inn fyrir" Sagði Kristian og hló aðeins.
Íslenska liðið er í möguleika á að fara í umspil ef þeir vinna Kýpur á laugardaginn og Grikkir tapa stigum gegn efsta liði riðilsins, Portúgal. Hversu stór er þessi leikur fyrir þessa stráka?
"Þetta er mjög stór leikur, þetta er bara það sem við erum búnir að vinna að alla keppnina að komast í svona leiki. Við þurfum bara að treysta á að Portúgal klára sitt og við gerum okkar. Þetta er leikur um að komast á stórmót þannig þetta er risa stór leikur"
Viðtalið má sjá í heild sinni hér fyrir ofan
