Nú hefur Arsenal beint spjótum sínum að franska miðjumanninum Matteo Guendouzi sem hefur spilað með u20 ára landsliði þjóðar sinnar.

Guendouzi er samningsbundinn Lorient og var orðaður við erkifjendur Arsenal í Norður-Lundúnum, Tottenham, í janúar.

Frakkinn spilaði með yngri liðum PSG áður en hann gekk til liðs við Lorient árið 2014. Þar spilaði hann sína fyrstu aðalliðsleiki 2016/17 tímabilið þegar hann spilaði níu leiki er liðið féll niður úr Ligue 1, efstu deild.

Hann spilaði 20 leiki með Lorient á síðasta tímabili þegar liðið endaði í 7. sæti Ligue 2.

Auk Guendouzi er Arsenal orðað við miðjumennina Lucas Torreira, sem er í úrúgvæska landsliðinu, og Steven N'Zonzi sem er í því franska.

Fyrir hafa þeir Stephan Lichtsteiner, Bernd Leno og Sokratis Papastathopoulos skipt yfir í Arsenal í sumar.