Fernandinho, miðjumaður Manchester City og brasilíska landsliðsins, er væntanlega ekki að eiga sína bestu daga á lífsleiðinni. Hann skoraði sjálfsmark í leik Brasilíu og Belgíu í 8-liða úrslitum HM. Í kjölfarið hefur hann orðið fyrir kynþáttafordómum og honum verið hótað lífláti.
Brasilía tapaði leiknum 2-1 en Belgía komst yfir með sjálfsmarki miðjumannsins.
Brasilía féll úr leik sem eru náttúrulega mikil vonbrigði fyrir eins stóra fótboltaþjóð. Margir kenndu Fernandinho um tapið.
Móðir hans þurfti að hætta á Instagram
Á samfélgsmiðlum fékk Fernandinho útreið, var hann kallaður „api" og hótað öllu illu, þar á meðal lífláti.
Eiginkona Fernandinho, Rosa Glaucia, fékk ljót skilaboð á Instagram, en móðir hans þurfti að loka Instgram-reikningi sínum vegna allra þeirra ljótu skilaboð sem hún var að fá.
Þetta er náttúrulega algjört bull og hafa margir komið leikmanninum til varnar. Á vefsíðu Mundo Negro, sem sérhæfir sig í menningu þeldökkra, er skrifað: „Ekkert réttlætir rasisma. Við erum með þér Fernandinho."
Ljóst er að fjölmargir standa með Fernandinho á þessum erfiðum tímum.
Athugasemdir