Hazard er góður spámaður.
Eden Hazard, stjarnan í belgíska landsliðinu, virðist vera nokkuð góður spámaður.
Hazard birti spá sína fyrir HM þremur dögum fyrir opnunarleik mótsins.
Hazard stóð sig vel í spánni en hann var með fimm af þeim átta liðum sem komust í 8-liða úrslit rétt. Hann var líka með viðureign Belgíu og Frakklands í undanúrslitum rétt.
Enn er möguleiki á því að Hazard hafi rétt fyrir sér þegar kemur að úrslitaleiknum en hann spáði því að Belgía og Englandi myndu mætast þar. Belgía mætir eins og áður segir Frakklandi í undanúrslitum og England spilar við Króatíu.
Hazard spáði því auðvitað að Belgía myndi vinna keppnina.
Leikirnir í undanúrslitunum fara fram 10. og 11. júlí og úrslitaleikurinn 15. júlí. Það mun þá koma í ljóst hvort Hazard hafi rétt fyrir sér þegar kemur að úrslitaleik og sigurvegara.
Athugasemdir
