Mexíkó 1 - 0 Bandaríkin
1-0 Jonathan Dos Santos ('73)
1-0 Jonathan Dos Santos ('73)
Mexíkó er sigurvegari Gullbikarsins í sumar. Mexíkó lagði Bandaríkin að velli í úrslitaleik síðastliðna nótt.
Jonathan Dos Santos skoraði eina mark leiksins eftir sniðuga stoðsendingu Raul Jimenez, sóknarmanns Wolves. Dos Santos er 29 ára fyrrum leikmaður Barcelona. Hann leikur í dag með Los Angeles Galaxy.
Leikurinn fór fram í Chicago fyrir framan rúmlega 62 þúsund áhorfendur.
Christian Pulisic, leikmaður Chelsea, fékk gott tækifæri snemma í leiknum, en Gregg Berhalter, þjálfari Bandaríkjana, sagði að Mexíkó hefði verið betra liðið.
„Okkur skorti ró og yfirvegun. Þegar þú talar um skrefið sem liðið þarf að taka, þá erum við nálægt því en við náðum því ekki í kvöld," sagði Berhalter.
Gullbikarinn er landsliðskeppni Norður- og Mið-Ameríku ásamt þjóða í karabíska hafinu.
Mexíkó hefur unnið keppnina 11 sinnum, en Bandaríkin sex sinnum. Bandaríska kvennalandsliðið varð í gær Heimsmeistari í fjórða sinn.
Hér að neðan má sjá markið sem réði úrslitum.
WHAT A GOAL! Jonathan dos Santos#GoldCupFinal #MexicoVsUSA pic.twitter.com/h7wrjJmLif
— Rãmeëž Műrťažå (@Ibroo_Messi) July 8, 2019
Athugasemdir