Neymar átti að mæta á æfingu Parísarliðsins í dag en sást hvergi og gaf franska liðið frá sér yfirlýsingu þar sem það lýsti yfir vonbrigðum sínum með hann.

Lengi hefur verið talað um framtíð Neymar og að hann gæti verið á leið aftur til Barcelona en einhver hægagangur er á viðræðunum.

Faðir hans segir þó að PSG hafi vitað af fjarveru hans og ástæðuna á bakvið það en Neymar er með góðgerðarsamtök í Brasilíu til að hjálpa fátækum börnum að spreyta sig á fótboltamótum, fræða þau og hjálpa þeim að komast á betri stað. Auk þess heldur hann árlegt fótboltamót þar í landi.

„Það vita allir ástæðuna, það var búið að plana þetta fyrir ári síðan þar sem Instituto Projeto Neymar fer fram. Við gátum ekki breytt dagsetningunni og hann mætir aftur 15. júlí. Það er svona einfalt, ekkert annað á bakvið þetta og löngu búið að láta PSG vita," sagði Neymar eldri í viðtali við Fox í Brasilíu.

PSG have confirmed that Neymar did not report back for the first day of pre-season despite being summoned by the club and will now ‘take appropriate action’ against the player. (Source: @PSG_inside) pic.twitter.com/GrsqEEayRq

— Transfer News Live (@DeadlineDayLive) July 8, 2019