Jakob Hafsteinsson, leikmaður Magna, steig þá á ökkla Sigurðs Gísla Snorrasonar, Sigga Bond, leikmanns Þróttar. Boltinn var víðsfjarri en þetta gerðist undir lok leiksins.

Jakob fékk enga refsingu fyrir atvikið en myndband má sjá hér neðst í fréttinni.

„Þetta á bara ekki að líðast á fótboltavellinum," sagði Sverrir Mar Smárason.

„Þetta er ljótt að sjá. Í uppbótartíma, algjör pirringur. Þetta er ólíkt honum," sagði Gylfi Tryggvason.

„Þetta kemur mér svo á óvart, að þetta sé hann. Ég hef spilað við þennan strák upp alla yngri flokkana. Þetta er ekki hann, finnst mér. Þetta er ekki í hans karakter, en greinilega einhver pirringur. Það kom mér á óvart að sjá þetta. Sigurður Gísli er sennilega bestur í deildinni að komast í hausinn á mönnum," sagði Óskar Smári Haraldsson.

„Ef dómarinn hefði séð þetta, þá væri þetta aukaspyrna, rautt spjald og leikurinn búinn. Þetta er mikið dómgreindarleysi."