Hann mun klæðast treyjunúmerinu sem Georgino Wijnaldum skilur eftir sig; treyju númer 5.

Wijnaldum hefur verið með þetta númer á bakinu undanfarin ár en hann er núna farinn til Paris Saint-Germain.

Konate var keyptur til Liverpool frá RB Leipzig í síðasta mánuði. Konate lék 21 leik fyrir RB Leipzig á síðasta tímabili en liðið endaði í öðru sæti í þýsku Bundesligunni. Varnarleikurinn var höfuðverkur hjá Liverpool á liðnu tímabili vegna langtímameiðsla Virgil van Dijk, Joe Gomez og Joel Matip.

Meðal annarra leikmanna sem hafa verið með 5 á bakinu hjá Liverpool eru Daniel Agger og Milan Baros.