Freyr Alexandersson.
„Ég hefði ekki tekið þennan slag nema ég væri viss um að þetta væri rétti maðurinn," segir Freyr Alexandersson sem verður aðstoðarmaður Erik Hamren með íslenska landsliðið.
„Áður en ég fór í einhverjar samningaviðræður þá setti ég kröfur um að ég myndi fá að hitta manneskjuna og ræða við hana um fótbolta. Eftir að við hittumst og áttum sex tíma fund þá var ég viss um að þetta væri maður sem væri góður fyrir Ísland. Ég sá að ég gæti fengið helling frá honum og að ég hefði hæfileika til að hjálpa honum að sýna sínar bestu hliðar."
„Áður en ég fór í einhverjar samningaviðræður þá setti ég kröfur um að ég myndi fá að hitta manneskjuna og ræða við hana um fótbolta. Eftir að við hittumst og áttum sex tíma fund þá var ég viss um að þetta væri maður sem væri góður fyrir Ísland. Ég sá að ég gæti fengið helling frá honum og að ég hefði hæfileika til að hjálpa honum að sýna sínar bestu hliðar."
„Þetta er viðkunnalegur maður og klár. Hann er með þvílíka reynslu og þú hlýtur að vera góður leiðtogi ef þú vinnur alla þessa titla í mismunandi löndum. Hann er með klára hugmyndafræði og veit nákvæmlega hvað hann vill."
Freyr segir að hann og Hamren séu búnir að setja saman lista yfir leikmenn sem þeir vilja fylgjast grannt með áður en fyrsti landsliðshópurinn þeirra verður kynntur.
Viðtalið má sjá í heild í sjónvarpinu hér að ofan en þar talar Freyr meðal annars um kvennalandsliðið en hann verður áfram þjálfari þess út undankeppni HM.
Athugasemdir
