„Þetta er frábært land," segir Erik Hamren, nýráðinn landsliðsþjálfari, um fyrstu kynni sín af Íslandi.
Hamren kom til Ísland í viðræður í síðustu viku en hann hefur áður stýrt AIK gegn KR í Evrópukeppni á íslenskri grundu sem og U21 árs landsliði Svía.
Hamren var mættur í jakkafötum á fréttamannafund í Laugardalnum í dag en hann er ekki viss um að hann verði þannig á hliðarlínunni á Laugardalsvelli.
„Það gæti verið erfitt að þjálfa í jakkafötum hér. Við þurfum að sjá til. Það er kaldara hér," sagði Hamren við Fótbolta.net í dag.
Ísland mætir Belgíu í Þjóðadeildinni á Laugardalsvelli í september og um miðjan október kemur Sviss í heimsókn.
Hér að neðan má sjá langt viðtal við Hamren.
Athugasemdir