Enn hefur ekki verið ráðið í stöðuna þó talað hafi verið um hana í mjög langan tíma.

Guðni Bergsson, formaður KSÍ, var spurður út í stöðuna á blaðamannafundi í dag.

„Ertu að sækja um eða?" sagði Guðni léttur við blaðamanninn sem hann fékk spurnina frá. „Við erum búnir að fara í stefnumótun innan sambandsins og munum við kynna ákveðnar skipulagsbreytingar. Inn í það fellur þessa tiltekna staða og í raun og veru ákveðin breyting sem við ætlum að hafa hér innanhúss."

„Þá mun það verða okkar verkefni að finna góðan einstakling í það starf."

„Það mun gerast núna á haustdögum."

Á þessum tiltekna blaðamannafundi var Erik Hamren kynntur sem nýr landsliðsþjálfari og Freyr Alexandersson sem nýr aðstoðarlandsliðsþjálfari.

Blaðamannafundurinn er í heild sinni hér að neðan.

Sjá einnig:
Guðni Bergs: Hann veit að það verður erfitt að fylgja þessu eftir