Enski landsliðsmaðurinn Luke Shaw var borinn af velli í viðureign Englands og Spánar í Þjóðadeildinni,
Luke Shaw hefur byrjað tímabilið frábærlega með Manchester United í ensku úrvalsdeildinni og var valinn besti leikmaður ágúst mánaðar hjá félaginu.
Shaw var í byrjunarliði Englands í kvöld og lagði meðal annars upp mark Englands fyrir Marcus Rashford en staðan er 1-2 fyrir gestunum frá Spáni þegar þetta er skrifað.
Í upphafi seinni hálfleiks fékk Luke Shaw þungt höfuðhögg eftir að hafa lent í samstuði við Dani Carvajal leikmann Spánverja. Nú eru um þrjú ár frá því að Luke Shaw fótbrotnaði illa í Meistaradeildarleik gegn PSV Eindhoven.
Leikurinn var stöðvaður í talsverðan tíma á meðan hlúð var að Shaw á vellinum, samkvæmt fréttum sem berast frá Englandi er Shaw með meðvitund og getur tjáð sig.
Manchester United left-back Luke Shaw suffered this horrific injury during England's match against Spain.
-- Under The Floodlights (@UTF_Sport) September 8, 2018
We wish Luke a speedy recovery!#Shaw #United #England #ENGESP #NationsLeague pic.twitter.com/BGGJwY9UVS
Athugasemdir