Íslenska landsliðið heldur í dag til Albaníu, en framundan er þar leikur í undankeppni EM 2020.
Ísland vann í gær 3-0 sigur á Moldóvu á heimavelli. Reikna má við því að leikurinn í Albaníu verði mun strembnari.
Ísland vann í gær 3-0 sigur á Moldóvu á heimavelli. Reikna má við því að leikurinn í Albaníu verði mun strembnari.
Ísland og Albanía hafa nú þegar mæst í riðlinum, en á Laugardalsvelli vann Ísland 1-0. Jóhann Berg Guðmundsson, sem er ekki í hópnum að þessu sinni vegna meiðsla, skoraði þá sigurmarkið. Sá leikur reyndist erfiður, en Ísland náði að landa sigrinum.
Á blaðamannafundinum þegar landsliðshópurinn fyrir þetta verkefni var tilkynntur, benti Freyr Alexandersson, aðstoðarlandsliðsþjálfari, á áhugaverða staðreynd.
„Gylfi fór í 24 návígi í leiknum í júní. Það er langt yfir meðaltalinu hans. Hann fer yfirleitt í 13 návígi í leiki. Við tókum slaginn. Í leiknum voru 190 návígi en að meðaltali eru hjá okkur 150 návígi. Það var slagsmálaleikur og það verður aftur bardagaleikur í Albaníu 10. september," sagði Freyr.
Þess má geta að Gylfi er þrítugur í dag og óskum við á Fótbolta.net honum til hamingju með daginn!
Athugasemdir