De Gea er 28 ára gamall og hefur verið í herbúðum Manchester United frá 2011 en hann hefur spilað lykilhlutverk í liðinu og er talinn einn af bestu markvörðum heims.

Samningur hans við United rennur út næsta sumar og mega félög byrja að ræða við hann um áramótin.

Samkvæmt Express er Juventus að undirbúa sig undir viðræður við De Gea en ítalska félagið fékk meðal annars Adrien Rabiot og Aaron Ramsey á frjálsri sölu í sumar og hafa verið að vinna þessa formúlu undanfarin ár.

Ole Gunnar Solskjær, knattspyrnustjóri Manchester United, hefur margoft rætt samningaviðræður De Gea og United og að hann væri nálægt því að framlengja en þær hafa dregist í um það bil ár og útlit fyrir að hann sé á förum.