Alessandro Baston, varnarmaður Inter og U21 árs landsliðs Ítalíu, er með kórónaveiruna en Inter staðfesti þetta í tilkynningu í gær. Þá telja ítalskir miðlar að Milan Skriniar hafi greinst með veiruna.
Bastoni var í landsliðsverkefni með U21 árs landslið Ítalíu er hann greindist með veiruna. Þá er talið að Marco Carnesecchi, markvörður Atalanta, hafi verið hinn leikmaðurinn sem smitaðist.
Þeir voru báðir sendir heim og eru nú í sóttkví samkvæmt reglum en Ítalía mætir Íslandi á morgun á Víkingsvelli.
Samkvæmt ítölsku miðlunum er Milan Skriniar, miðvörður Inter, einnig með veiruna en hann er talinn hafa smitast í landsliðsverkefni með Slóvakíu.
Athugasemdir