Steve Bruce mun væntanlega fá reisupassann hjá Newcastle í kjölfarið á eigendaskiptum hjá félaginu.
Fjárfestar frá Sádi-Arabíu gengu frá kaupum á Newcastle í gær. Sádarnir hafa í talsverðan tíma reynt að eignast félagið en lent í ýmsum hindrunum. Nú hafa þeir hinsvegar fengið grænt ljós frá ensku úrvalsdeildinni og kaupin hafa gengið í gegn.
Stuðningsmenn Newcastle hafa flestir fagnað skiptunum mikið í ljósi þess að Mike Ashley á ekki félagið lengur, en skiptin eru líka mjög umdeild.
Sádarnir munu koma inn með mikinn pening í félagið og hafa strax komið fréttir um að nýir eigendur ætli að reka Bruce, sem núna stýrir liðinu. Það er líklega ekki betri tími fyrir það en núna þar sem landsleikjahlé er í gangi.
Telegraph ákvað að taka saman lista yfir sex stjóra sem gætu tekið við af Bruce. Hér að neðan má sjá hverjir voru nefndir.
Steven Gerrard - Þessi fyrrum fyrirliði Liverpool stýrði Rangers til sigurs í skosku úrvalsdeildinni. Að taka við Newcastle er mögulega hárrétt skref fyrir hann, áður en hann tekur svo við Liverpool.
Frank Lampard - Tók skrefið of snemma til Chelsea. En það má ekki gleyma því að hann gerði mjög vel með Derby þar áður. Hann sýndi líka ágæta hluti með Chelsea á köflum. Efnilegur stjóri, eins og Gerrard.
Rafa Benitez - Var sterklega orðaður við endurkomu til Newcastle þegar sögur um eigendaskiptin voru háværar fyrir nokkrum mánuðum síðan. Tók svo við Everton. Yrði mjög vinsælt að fá Benitez til baka, en það verður erfitt þar sem hann er nýtekinn við öðru starfi.
Antonio Conte - Sigurvegari sem er laus eftir aað hætt með Inter. Getur farið með Newcastle í hæstu hæðir.
Athugasemdir