Ísland mætti Armeníu í undankeppni HM á Laugardalsvelli í kvöld. Leikurinn endaði með 1-1 jafntefli, Armenar komust yfir í fyrri hálfleik en Ísak Bergmann jafnaði leikinn í seinni.
Svona er einkunnagjöf Fótbolta.net frá leiknum.
Svona er einkunnagjöf Fótbolta.net frá leiknum.
Lestu um leikinn: Ísland 1 - 1 Armenía
Elías Rafn Ólafsson 6
Öruggur í sínum aðgerðum, þurfti ekki að verja skot og gat ekkert gert í markinu hjá Armenum.
Birkir Már Sævarsson 6
Var ekki nægilega nálægt sínum manni í marki Armena. Bjargaði virkilega vel á 59. mínútu þegar Armenarnir voru komnir í mjög vænlega stöðu. Gerði vel í jöfnunarmarkinu, vann boltann við endalínu og fann Ísak í teignum.
Brynjar Ingi Bjarnason 5 ('45)
Mikill hraði og góður leiklestur. Var mjög tæpur sérstaklega í eitt skiptið en það slapp fyrir horn.
Hjörtur Hermansson 5 ('67)
Allt í lagi frammistaða. Lenti aldrei í miklum vandræðum.
Ari Freyr Skúlason 6
Stóð fyrir sínu, barátta, dugnaður og andi. Ekkert út á hann að setja.
Guðlaugur Victor Pálsson 4
Afleit útsala í marki Armena sem riðlar öllu skipulagi í vörninni. Dýrkeypt í leik þar sem bæði lið skora eitt mark.
Þórir Jóhann Helgason 5 ('90)
Fín hlaup á miðjunni, dugnaður og bjó til pláss fyrir aðra. Góð sending á Ísak í fyrsta færi Íslands í seinni hálfleik en vantaði aðeins meira frá honum sóknarlega.
Birkir Bjarnason 4
Mjög lítið áberandi í þessum leik. Maður vonast eftir meira frá Birki.
Jón Dagur Þorsteinsson 7 ('81)
Líflegur, áræðinn og er með þannig nálgun að maður var spenntur að sjá hvað hann myndi gera næst þegar hann fékk boltann. Flottur leikur hjá Jóni.
Albert Guðmundsson 5
Frekar oft svona 'næstum því' augnablik. Flottir taktar en svo rann hann og náði ekki að koma boltanum á næsta mann. Var óheppinn að skora ekki í fyrri hálfleik þegar boltinn fór meðfram marklínu Armena. Maður er enn að bíða eftir að sjá bestu útgáfuna af Alberti með landsliðinu.
Viðar Örn Kjartansson 4 ('45)
Fékk eitt færi en skaut hátt yfir úr vítateignum. Annars lítið áberandi og kom vart við boltann á þeim tíma sem hann var inn á.
Varamenn:
Ísak Bergmann Jóhannesson 7 ('45) - Maður leiksins
Kom inn með krafti og var óhræddur í sinni nálgun. Orkan til fyrirmyndar og viljinn til að gera vel virkilega sýnilegur. Ekkert óðagot í markinu, virkilega vel tekið!
Daníel Leó Grétarsson 6 ('45)
Bauð upp á sendingar með vinstri en gaf okkur lítið meira en hægri fótar sendingar Brynjars í fyrri.
Sveinn Aron Guðjohnsen 6 ('67)
Náði ekki að hafa mikil áhrif á leikinn.
Mikael Neville Anderson ('81)
Spilaði ekki nóg til að fá einkunn.
Mikael Egill Ellertsson ('90)
Spilaði ekki nóg til að fá einkunn.
Athugasemdir