Heimild: Vísir 

Hvernig fannst þér hann komast frá sínu?

„Bara mjög vel, hann fékk bara ekki mikið að gera. Hann þurfti ekki að verja neitt, hann gat ekkert gert í markinu. Elías gerði nokkrum sinnum mjög vel að covera djúpu löngu boltana hjá þeim," sagði Arnar.

„Mér fannst hann rólegur, yfirvegaður og ekkert stress á honum. Því miður fær hann mark á sig sem hann getur ekki gert neitt í. Ég hefði frekar viljað að hann hefði fengið á sig fjögur skot því ég veit hann hefði varið þau."

Elías hefur varið mark Midtjylland að undanförnu og var valinn leikmaður mánaðarins í Superliga á dögunum. Arnar ræddi einnig um Elías við Vísi eftir leik.

„Elías Rafn er á góðum stað núna og er að spila frábærlega með félagsliði sínu. Hann er bara í formi lífs síns þó hann sé ungur,“ sagði Arnar við Vísi.

Hann var spurður hvort Elías væri orðinn aðalmarkvörður en vísaði þá í fyrri svör en hann hefur sagt að næsta ár muni vera nýtt í að finna aðalmarkmann.