Lukaku hefur náð ótrúlegri tölfræði með Belgíu en hann hefur nú skorað 69 mörk í 100 landsleiká 11 árum. Hann skoraði tvö í 3-2 tapi gegn Frökkum í gær í Þjóðadeildinni.

Lukaku er samningsbundinn Chelsea á Englandi og hefur skorað fjögur mörk í níu leikjum á tímabilinu.

Þessi 28 ára gamli leikmaður er markahæstur í sögu belgíska landsliðsins en Tielemans hætti að telja þessi mörk þegar talan var komin í 50.

„Romelu er frábær framherji og tölfræðin talar sínu máli og þá sérstaklega fyrir landsliðið,“ sagði Tielemans.

„Ég veit ekki hversu mörg mörk en ég hætti að telja í 50 því það var magnaður áfangi fyrir hann og landsliðið. Ég ætla ekki að tala um alla styrkleikana hans en það er mjög ánægjulegt að fá að spila með honum.“