Í gegnum árin hefur Laugardalsvöllur verið mikið vígi fyrir íslenska landsliðið og fræknir sigrar unnist. Það vígi er fallið og Ísland hefur ekki náð að vinna neinn af þeim fjórum heimaleikjum sem eru búnir í undankeppninni.
Arnar Þór Viðarsson landsliðsþjálfari var spurður út í hvort ekki slæmt að Laugardalsvöllur sé ekki sama vígið og vonbrigðin með áhorfendamætinguna en aðeins 1.697 áhorfendur voru á jafnteflisleiknum gegn Armeníu í kvöld.
Arnar Þór Viðarsson landsliðsþjálfari var spurður út í hvort ekki slæmt að Laugardalsvöllur sé ekki sama vígið og vonbrigðin með áhorfendamætinguna en aðeins 1.697 áhorfendur voru á jafnteflisleiknum gegn Armeníu í kvöld.
„Auðvitað viljum við spila fyrir fullan Laugardalsvöll og við viljum vinna alla leiki. Ég get samt ekki útskýrt stöðuna neitt öðruvísi en hún er, við erum að byggja upp þetta lið og ég get sagt það 100 sinnum, 200 sinnum og 300 sinnum," sagði Arnar á fréttamannafundi.
„Staðan er sú að við erum ekki með sama lið og við vorum með fyrir tveimur árum, þremur árum þegar við unnum nánast alla leiki á heimavelli. Við viljum öll fara þangað sem fyrst en ég get bara ekki galdrað, það er ekki hægt."
„Við verðum að leggja okkur fram. Með því að taka rétt skref á réttum tíma trúi ég því að þetta vígi komi aftur og að fólkið komi aftur. Við sem starfsfólk, leikmenn og hópur þurfum að sýna fólkinu í landinu að við séum virkilega að gera allt sem við getum til þess að vinna leiki aftur. Það er súrt fyrir þessa leikmenn að þeir geti ekki fengið fullan völl en ég vona að það komi sem fyrst," sagði Arnar Þór Viðarsson.
Athugasemdir