mið 08. nóvember 2017 13:03
Magnús Már Einarsson
Byrjunarliðið gegn Tékkum: Rúnar Alex spilar fyrsta leikinn
Ari á kanti - Hjörtur hægri bakvörður
Icelandair
Rúnar Alex (til hægri) byrjar.
Rúnar Alex (til hægri) byrjar.
Mynd: Fótbolti.net - Hafliði Breiðfjörð
Heimir Hallgrímsson hefur valið byrjunarliðið fyrir leikinn gegn Tékklandi í dag. Leikurinn hefst kl. 14:45 og verður sýndur beint á Stöð 2 Sport.

Fótbolti.net er með sína fulltrúa í Katar og bein textalýsing verður hér á vefnum.

Rúnar Alex Rúnarsson, markvörður Nordsjælland, er í byrjunarliðinu en hann spilar sinn fyrsta landsleik í dag.

Hjörtur Hermannsson, varnarmaður Bröndby, byrjar í hægri bakverði og þeir Viðar Örn Kjartansson og Kjartan Henry Finnbogason byrja frammi.

Ari Freyr Skúlason byrjar á vinstri kantinum en hann er vanari því að spila í bakverði. Þeir Birkir Bjarnason og Ólafur Ingi Skúlason eru saman á miðjunni.

Kári Árnason er fyrirliði í dag en hann og Sverrir Ingi Ingason eru saman í hjarta varnarinnar.

Byrjunarliðið
Sókn: Viðar Örn Kjartansson og Kjartan Henry Finnbogason
Miðja: Ari Freyr Skúlason, Birkir Bjarnason, Ólafur Ingi Skúlason og Jóhann Berg Guðmundsson
Vörn: Hörður Björgvin Magnússon, Kári Árnason (F), Sverrir Ingi Ingason og Hjörtur Hermannsson
Mark: Rúnar Alex Rúnarsson
Athugasemdir
banner
banner
banner
banner
banner