Ólafur Ingi Skúlason tók við fyrirliðabandinu í hálfleik þegar Ísland tapaði 1-2 gegn Tékkum í Doha í dag. Ólafur byrjaði leikinn og spilaði stærstan hluta.
Lestu um leikinn: Ísland 1 - 2 Tékkland
„Tilfinningin er súrsæt. Við töpuðum en sköpuðum helling af færum. Við áttum að ná allavega jafntefli, það hefðu verið sanngjörn úrslit" sagði Ólafur fljótlega eftir leik.
„Við byrjuðum ágætlega en svo datt aðeins botninn úr þessu hjá okkur. Við vorum í smá vandræðum með þá en þetta er mjög gott lið."
„Mér fannst við halda boltanum betur í seinni hálfleik, við lokuðum betur á þá og náðum að skapa færi. Heilt yfir fannst mér leikurinn koma ágætlega út."
En burtséð frá leiknum sjálfum, er dvölin í Katar ekki að gera hópnum gott?
„Ekki spurning. Það er frábært að koma hingað og það er engin pressa. Það hefur verið törn á þessum hóp í langan tíma og kærkomið að fá tvo leiki þar sem ekki allt er undir. Við getum slakað vel á milli leikja og rætt málin í rólegheitum. Svo er gott að fá sól og blíðu í kroppinn."
Sjáðu viðtalið í heild í sjónvarpinu hér að ofan.
Athugasemdir