Philippe Coutinho.
Luis Suarez, framherji Barcelona, segir að Philippe Coutinho hafi sýnt metnað með því að vilja ganga í raðir félagsins í sumar. Suarez og Coutinho eru fyrrum liðsfélagar hjá Liverpool. Coutinho reyndi að fara frá Liverpool til Barcelona í sumar en án árangurs.
„Hann hefur viljað semja því hann er leikmaður með metnað og allir slíkir leikmenn vilja koma til Barcelona," sagði Suarez.
„Ég þekki hann bæði persónulega og sem leikmann því ég spilaði með honum en allir vita hvað Coutinho getur gert."
Eftir óvissu í nokkrar vikur í byrjun tímabils þá sneri Coutinho aftur í liðið hjá Liverpool.
„Hann fór í gegnum erfiða tíma en sem atvinnumaður hélt hann áfram að sýna hversu góður leikmaður hann er og sýna gæðin sem hann hefur," sagði Suarez.
„Þrátt fyrir að hafa reynt að fara frá Liverpool þá reyndi hann að leggja hart að sér og hjálpa liðinu. Hann hefur sýnt að hann er atvinnumaður sem hefur metnað til að fara skrefi lengra."
Athugasemdir
