Kalvin Phillips.
Kalvin Phillips, miðjumaður Manchester City, segist vera mjög vongóður um að vera í enska landsliðshópnum á HM í Katar.
Þessi 26 ára leikmaður fór í aðgerð á öxl í september en Pep Guardiola hefur staðfest að hann verði á bekknum gegn Chelsea í deildabikarnum á morgun.
Þessi 26 ára leikmaður fór í aðgerð á öxl í september en Pep Guardiola hefur staðfest að hann verði á bekknum gegn Chelsea í deildabikarnum á morgun.
„Öxlin er í fullkomnu lagi núna. Ég hef farið í gegnum sjö vikna ferli til að verða klár eins fljótt og hægt er fyrir HM. Allt hefur gengið frábærlega," segir Phillips sem telur að hann sé klár í 90 mínútna fótbolta.
„Ég er mjög vongóður um að fara á HM en við þurfum að bíða og sjá."
Phillips hefur lítið spilað síðan hann var keyptur frá Leeds á 45 milljónir punda í sumar. Hann kom við sögu síðast í Meistaradeildarleik gegn Borussia Dortmund þann 14. september.
Athugasemdir
