Roma byrjaði betur gegn Cagliari og komst yfir á 14. mínútu, Aleksandar Kolarov bætti svo við öðru marki Roma undir lok fyrri hálfleiks og staðan því 0-2 fyrir gestunum í hálfleik.

Leikmenn Cagliari gáfust hins vegar ekki upp og náðu að jafna með mörkum frá Artur Ionita og Marco Sau en jöfnunarmarkið kom á 90. mínútu. Tvö rauð spjöld fóru á loft í lokin, en þeir Luca Ceppitelli og Darijo Srna voru reknir af velli.

Cagliari er í 13. sæti með 17 stig en Roma er í betri málum, í 6. sæti með 21 stig.

Það voru einnig skoruð fjögur mörk þegar Lazio tók á móti Sampdoria. Fabio Quagliarella skoraði eina mark fyrri hálfleiks fyrir gestina á 21. mínútu.

Francesco Acerbi jafnaði fyrir heimamenn á 79. mínútu og Ciro Immobile kom þeim svo yfir með marki úr vítaspyrnu á 90. mínútu. Það mark reyndist ekki vera sigurmark leiksins því Riccardo Saponara jafnaði metin fyrir Sampdoria og því voru tvö mörk skoruð í uppbótartíma. Bartosz Bereszynski var rekinn af velli með rautt spjald á 90. mínútu.

Lazio er í fínum málum í 5. sæti deildarinnar með 25 stig en Sampdoria í 8. sæti með 20 stig.

Cagliari 2 - 2 Roma
0-1 Bryan Cristante ('14 )
0-2 Aleksandar Kolarov ('41 )
1-2 Artur Ionita ('84 )
2-2 Marco Sau ('90 )

Rautt spjald: Luca Ceppitelli, Cagliari ('90) Darijo Srna, Cagliari ('90)

Lazio 2 - 2 Sampdoria
0-1 Fabio Quagliarella ('21 )
1-1 Francesco Acerbi ('79 )
2-1 Ciro Immobile ('90 , víti)
2-2 Riccardo Saponara ('90 )

Rautt spjald:Bartosz Bereszynski, Sampdoria ('90)