Skoski framherjinn Steven Lennon hefur gefið í skyn að hann verði áfram hjá FH á komandi tímabili og virðist þar blása á sögusagnir um að hann sé á leið í Val.
Mbl.is greindi frá því í dag að Valur og FH væru í viðræðum um Lennon en Börkur Edvardsson, formaður knattspyrnudeildar Vals, vísaði því á bug í viðtali við Fótbolta.net í dag.
Lennon er samningsbundinn FH til ársins 2021 en fyrir áramót fór hann ekki leynt með það að hann ætti inni laun hjá félaginu.
Leikmaðurinn virðist nú blása á þær sögur að hann sé á leið í Val en hann birti mynd á Instagram þar sem bendir á merki FH í æfingasal félagsins.
Lennon hefur verið lykilmaður í FH-liðinu frá því hann kom frá Fram árið 2014 en hann hefur skorað 70 mörk í 125 leikjum í deild -og bikar.
Þá gerði hann 13 mörk í Pepsi Max-deildinni á síðasta tímabili
Athugasemdir