Lífið eftir ferilinn getur verið erfitt.
Margir í Hollandi hlæja að Johnny Heitinga, fyrrum leikmanni Everton, eftir að hann sagði frá því í viðtali hversu erfitt væri að venjast breyttum aðstæðum í lífinu.
Tekjur hans eftir að ferlinum lauk hafa minnkað svo mikið að hann hefur ekki lengur efni á einkaþotum og stílistum.
Tekjur hans eftir að ferlinum lauk hafa minnkað svo mikið að hann hefur ekki lengur efni á einkaþotum og stílistum.
Heitinga lék 115 leiki fyrir Everton en lagði skóna á hilluna í fyrra. Hann hóf og lauk ferlinum hjá Ajax í Amsterdam.
Á atvinnumannaferlinum lifði hann hátt.
„Þegar ég var að spila fótbolta voru tekjurnar miklar. Peningarnir gerðu það að verkum að eyðslan var öðruvísi. Nú erum við að reyna að aðlagast öðru umhverfi," segir Heitinga og segir að hann og unnusta sín sakni sérstaklega ferðamátans.
„Við leigðum okkur stundum einkaþotur en gerum það ekki í dag. Við leigjum okkur flott hús þegar við förum í frí í dag en ekkert miðað við húsin sem við vorum í. Stundum er erfitt að venjast þessu."
„Áður fyrr var stílisti sem ákvað hverju við myndum klæðast en núna þurfum við að skoða föt sjálf."
Eiginkona hans hefur sagt að parið hafi þurft stílista því það hefði verið erfitt að bregða sér frá og fara til Parísar, Mílanó eða New York til að finna föt.
Heitinga og frú hafa vægast sagt fengið litla samúð í Hollandi en eru hinsvegar orðin skotspónn fyrir allskonar grín.
Athugasemdir
