Það var Íslendingaslagur í dönsku úrvalsdeildinni í dag. Um var að ræða annan leikinn í dönsku úrvalsdeildinni eftir vetrarfrí.
Velje og SönderjyskE áttust við og var Kjartan Henry Finnbogason í byrjunarliði Velje. Kjartan Henry samdi á dögunum við Vejle eftir stutta dvöl hjá Ferencvaros í Ungverjalandi. Eggert Gunnþór Jónsson byrjaði á bekknum hjá SönderjyskE og kom hann ekkert við sögu.
Kjartan var ekki lengi að láta að sér kveða. Hann skoraði fyrsta mark leiksins á 20. mínútu. Velja bætti við öðru marki á 24. mínútu.
Staðan í hálfleik var 2-0, en engin mörk voru skoruð í síðari hálfleiknum og lokatölur því 2-0 fyrir Kjartan Henry og félaga.
Góður fyrsti deildarleikur fyrir Kjartan sem er mættur aftur í danska boltann. Hann lék áður með Horsens við góðan orðstír.
Velje er í 13. sæti dönsku úrvalsdeildarinnar. SönderjyskE er í 11. sæti með þremur stigum meira.
Athugasemdir