Hólmbert Aron Friðjónsson og Aron Elís Þrándarson voru báðir á skotskónum þegar Álasund mætti norska liðinu Florø í dag.
Um var að ræða æfingaleik á undirbúningstímabilinu en deildin hefst í lok mars. Leiknum lauk með 3-0 sigri Álasund.
Florø leikur í 2. deildinni í Noregi en Álasund mistókst að komast upp í úrvalsdeildina eftir að hafa farið í umspil um laust sæti við Stabæk.
Hólmbert Aron var valinn leikmaður ársins í norsku B-deildinni á síðasta tímabili en hann skoraði 19 mörk og var næstmarkahæsti leikmaður deildarinnar á eftir Tommy Hoiland hjá Viking.
Álasund hefur á undanförnum vikur sýnt Davíði Kristjáni, leikmanni Breiðabliks, mikinn áhuga á síðustu vikum og buðu meðal annars í leikmanninn en Blikar vilja betra tilboð.
Vi vinner 3-0 mot @florofotball etter scoringer av @holmbert, @TAgdestein og @aronthrandar ⚽⚽⚽ Referat kommer 🔶🔷 #aafk #sunnmøresstolthet pic.twitter.com/k5vJAcTFYk
— AaFK - Aalesunds FK (@AalesundsFK) February 9, 2019
Athugasemdir