Við skulum skoða hvaða leikmenn sem eru yngri en 23 ára hafa skorað mest í Evrópuboltanum í vetur. Football365 tók saman en horft er á tíu stærstu deildir Evrópu og aðeins deildarmörk. Erling Haaland er því ekki á listanum, ekki enn sem komið er!
10) Lautaro Martinez (Inter) - 22 ára, 11 mörk: Hefur þegar skorað 9 mörk í 17 landsleikjum fyrir Argentínu og það kemur ekki á óvart að Manchester City, Barcelona og Real Madrid horfi til hans.
9) Dominic Calvert-Lewin (Everton) - 22 ára, 13 mörk: Hefur spilað gríðarlega vel síðan Ancelotti tók við og er orðaður við enska landsliðið.
7) Victor Osimhen (Lille) - 21 árs, 13 mörk: Þessi nígeríski strákur hefur skotist upp á stjörnuhimininn og er eftirsóttur af stórliðum.
6) Marcus Rashford (Manchester United) - 22 ára, 14 mörk: Var funheitur og því mikið áfall fyrir United þegar hann meiddist.
5) Jadon Sancho (Borussia Dortmund) - 19 ára, 14 mörk: Fjölhæfur sóknarleikmaður sem leggur mikið upp og skorar.
4) Moussa Dembele (Lyon) - 23 ára, 16 mörk: Það er í raun magnað að hann hafi ekki enn spilað landsleik fyrir Frakkland.
3) Kylian Mbappe (PSG) - 21 árs, 18 mörk: Raðar inn mörkum fyrir PSG og margir telja tímaspursmál hvenær hann fer til Real Madrid!
2) Jonathan David (KAA Gent) - 20 ára, 18 mörk: Kanadískur landsliðsmaður sem verður klárlega bara eitt tímabil í Belgíu. Mörg félög í ensku úrvalsdeildinni fylgjast með honum.
Athugasemdir