Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   þri 09. apríl 2019 21:33
Arnar Helgi Magnússon
Klopp: Einvígið ekki búið - Þurfum að mæta tilbúnir
Mynd: Getty Images
Liverpool er komið í góða stöðu fyrir síðari leikinn gegn Porto í 8-liða úrslitum Meistaradeildarinnar.

Liverpool sigraði fyrri leikinn í kvöld á Anfield, 2-0, en Roberto Firmino og Naby Keita skoruðu mörk liðsins í fyrri hálfleik. Jurgen Klopp var sáttur í leikslok.

„Ég er ánægður, mjög ánægður. Við skoruðum tvö mjög góð mörk og stjórnuðum leiknum frá upphafi," sagði Þjóðverjinn.

„Í síðari hálfleiknum datt takturinn aðeins úr leik okkar og við fórum að gera hluti sem að við ætluðum ekki að gera. Við þurfum að laga það fyrir síðari leikinn enda er þetta ekki búið."

„Liðsmenn Porto munu koma brjálaðir í síðari leikinn og við þurfum að vera tilbúnir undir það. 2-0 eru frábær úrslit og við erum augljóslega í betri stöðu en þeir."

Síðari leikur liðanna fer fram 17. apríl næstkomandi.
Athugasemdir
banner
banner
banner