Böðvar „Löpp" Böðvarsson var í byrjunarliði Jagiellonia Bialystok sem að mætti Miedz Legnica í undanúrslitum pólsku bikarkeppninnar í kvöld.
Eftir markalausan fyrri hálfleik var það Taras Romanczuk, samherji Böðvars, sem að kom Jagiellonia í 1-0 eftir rúmlega stundarfjórðung í síðari hálfleik.
Liðsmenn Legnica jöfnuðu metin á 78. mínútu leiksins en Taras Romanczuk var aftur á ferðinni í uppbótartíma þegar hann tryggði Jagiellonia 2-1 sigur og farseðil í úrslitaleikinn.
Böðvar lék allar 90 mínúturnar í leiknum. Síðari undanúrslitaleikurinn er á morgun en þar mætast Raków Częstochowa og Legia Gdansk
Böðvar og félagar hans í Jagiellonia sitja í sjötta sæti pólsku úrvalsdeildarinnar.
#JedziemyNaNarodowy🔥🔥🔥 @Jagiellonia1920 @PZPNPuchar pic.twitter.com/v1eo41J96c
— Arkadiusz Szczęsny (@ASzczesny89) April 9, 2019
Athugasemdir
