U19 ára landslið kvenna mun ekki komast í lokakeppni EM en það varð ljóst eftir tap gegn Hollandi í dag. Um var að ræða úrslitaleik um laust sæti í lokakeppninni.
Hollendingar komust yfir á 20. mínútu þegar Van De Westeringh kom liðinu yfir. 1-0 í hálfleik, Hollandi í vil.
Íslenska liðið fékk vítaspyrnu í upphafi síðari hálfleiks. Alexandra Jóhannsdóttir fór á punktinn og skoraði af miklu öryggi, staðan orðin 1-1.
Það var síðan undir lok leiks sem að Baijings kom Hollendingum yfir á nýjan leik, 2-1. Fleiri mörk voru ekki skoruð í leiknum og ævintýralega svekkjandi tap staðreynd. Það eru því Hollendingar sem að tryggðu sér sæti í lokakeppni EM 2019.
Hér að neðan má sjá byrjunarlið Íslands í leiknum.
Byrjunarlið U19 ára landsliðs kvenna sem mætir Hollandi kl. 17:00 í síðasta leik liðsins í milliriðli undankeppni EM 2019.#fyririsland #dottir pic.twitter.com/TWBMvJRXb7
— Knattspyrnusambandið (@footballiceland) April 9, 2019
Athugasemdir