Enska úrvalsdeildin er í pásu meðan kórónuveirufaraldurinn herjar á Bretlandseyjar. Leikmenn hafa því tekið upp á því að keppa sín á milli í tölvuleiknum FIFA.
Portúgalski framherjinn Diogo Jota lagði Trent Alexander-Arnold í framlengdum úrslitaleik í lok apríl en nú var komið að James Maddison.
Maddison mætti John Egan, leikmanni Sheffield United, í úrslitum, eftir að þeir höfðu báðir komist í gegnum undanúrslitin með naumindum.
Maddison skipti um gír í úrslitaleiknum og gjörsamlega rúllaði yfir Egan. Hann stóð uppi sem sigurvegari með fimm mörkum gegn einu.
Hægt er að sjá útsendinguna hér fyrir neðan.
Athugasemdir
