McKennie er 21 árs gamall miðjumaður. Hann hefur spilað 83 leiki fyrir meistaraflokk Schalke og 19 leiki fyrir A-landslið Bandaríkjanna.

„Næsta skref fyrir mig er að spila í enska boltanum. Það hefur alltaf verið draumur að spila fyrir félag sem er í Evrópubaráttu í ensku úrvalsdeildinni," sagði McKennie við Goal.

„Eins og staðan er núna þá er ég ánægður hjá Schalke því ég fæ spiltíma."

McKennie er búinn að spila 24 leiki fyrir Schalke á þessu tímabili og kominn með sæti í byrjunarliðinu.