KR 0 - 2 ÍBV
0-1 Viktorija Zaicikova ('42)
0-2 Kristín Erna Sigurlásdóttir ('73)
KR tók á móti ÍBV í þriðju umferð tímabilsins í Bestu deild kvenna og var jafnræði með liðunum í fyrri hálfleik.
Viktorija Zaicikova kom Vestmannaeyingum þó yfir skömmu fyrir leikhlé með laglegu marki þar sem hún lék á varnarmann áður en hún sneri boltann í fjærhornið og skoraði í stöngina og inn.
ÍBV tók völdin á vellinum í síðari hálfleik og komst nálægt því að tvöfalda forystuna áður en Kristín Erna Sigurlásdóttir tvöfaldaði forystuna, eftir frábæran undirbúning frá Viktoriju.
KR komst í hálffæri á lokakaflanum en virtist aldrei líklegt til að minnka muninn og lokatölur urðu 0-2. ÍBV er komið með fjögur stig eftir þrjár umferðir.
KR er áfram án stiga og þarf að fara að gera eitthvað í sínum málum.
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |