ÍH fór illa með KÁ þegar liðin áttust við í grannaslag í 2. deild kvenna í kvöld. Leikið var í Skessunni í Hafnarfirði.

Eftir stundarfjórðung var ÍH komið 2-0 yfir, en þá minnkaði KÁ muninn. ÍH bætti við marki fyrir leikhlé og var staðan 3-1 í leikhléinu.

Í seinni hálfleik lék heimaliðið á als oddi og valtaði yfir andstæðinga sína. ÍH bætti við fimm mörkum í seinni háalfleiknum og lokatölur því 8-1 í þessum leik.

Þetta er fyrsti sigur ÍH í sumar og eru þær núna með fjögur stig eftir fjóra leiki. KÁ er á botninum án stiga og stefnir í langt sumar hjá þeim.