Natalie Aspinall er ein af fjórum dómurum og aðstoðardómurum sem hafa fengið stöðuhækkun í dómaraheiminum og munu dæma í ensku úrvalsdeildinni á næstu leiktíð.
Aspinall er annar kvenkyns aðstoðardómari í sögu úrvalsdeildarinnar eftir Sian Massey-Ellis, sem hefur plummað sig vel í deild þeirra bestu.
Nick Greenhalgh og Steve Meredith eru einnig orðnir aðstoðardómarar í úrvalsdeildinni og þá er Tom Bramall eini aðaldómarinn til að fá kallið þó að þrír reynslumiklir dómarar hafi hætt á sama tíma.
Bramall hefur starfað í neðri deildum enska boltans síðan 2014 en Mike Dean, Jon Moss og Martin Atkinson eru allir hættir. Aðrir aðaldómarar sem voru nýir á síðustu leiktíð og fengu fáa leiki munu fá aukið hlutverk í vetur til að fylla í skarðið fyrir reynsluboltana sem voru að hætta.