Blatter er 86 ára gamall.
11 daga réttarhöld yfir Sepp Blatter og Michel Platini hófust í dag og var Blatter of veikur til að bera vitni á fyrsta degi.
Blatter og Platini hafa tapað ýmsum málum fyrir ýmsum dómum eftir að þeir hrökkluðust úr starfi sem forsetar FIFA og UEFA á sínum tíma.
Nú er komið að aðal dóminum þar sem þeir félagarnir eru kærðir fyrir svindl gegn FIFA sem er refsanlegt með fangelsisvist.
Platini var haldið yfir nóttu við yfirheyrslu sumarið 2019 en fyrir utan það hefur hvorugur þeirra setið í fangelsi.
Verði þeir dæmdir sekir í réttarhöldunum í Genf gætu þeir átt yfir höfði sér allt að fimm ára fangelsisvist hvor.
Athugasemdir
