Það er nóg um að vera í Þjóðadeildinni í kvöld þar sem níu leikir hefjast á sama tíma í A, B, C og D-deildum.
Portúgal spilar við Tékkland í toppslagi A-deildar á meðan Sviss tekur á móti Spáni.
Portúgal og Tékkland eru með fjögur stig eftir sigra gegn Sviss og jafntefli í innbyrðisviðureign en bæði lið gerðu einnig jafntefli við Spán.
Erling Braut Haaland og félagar í Noregi eru með sex stig eftir tvær fyrstu umferðirnar í B-deild og taka á móti Slóveníu í kvöld.
Haaland er búinn að skora öll þrjú mörk Norðmanna hingað til og geta þeir komið sér í draumastöðu á toppi riðilsins með sigri í kvöld.
Svíþjóð er með Noregi í riðli og er með þrjú stig eftir að hafa tapað innbyrðisviðureigninni gegn nágrönnum sínum á heimavelli. Svíar spila við sterkt lið Serbíu sem rúllaði yfir Slóveníu eftir tap gegn Noregi í fyrstu umferð.
Þá eru áhugaverðir slagir í C- og D-deildunum þar sem Kósóvó tekur á móti Norður-Írum á meðan Grikkland og Kýpur mætast í alvöru Miðjarðarhafsslag.
UEFA NATIONS LEAGUE A:
18:45 Portúgal - Tékkland
18:45 Sviss - Spánn
UEFA NATIONS LEAGUE B:
18:45 Noregur - Slovenía
18:45 Svíþjóð - Serbía
UEFA NATIONS LEAGUE C:
18:45 Kósóvó - Norður-Írland
18:45 Grikkland - Kýpur
18:45 Gibraltar - Bulgaria
18:45 Norður-Makedónía - Georgia
UEFA NATIONS LEAGUE D:
18:45 Malta - Eistland