Angel Torres, forseti knattspyrnufélagsins Getafe sem er staðsett í Madríd, sagði á dögunum að sér hafi verið boðið að hefja samningsviðræður við Gareth Bale sem verður samningslaus um mánaðarmótin.
Markmið Bale er að halda sér í formi til að spila með Wales á HM í Katar í vetur og líklegt að hann vilji einungis skrifa undir skammtímasamning.
Bale hefur verið orðaður við Cardiff í heimalandinu og endurkomu til Tottenham en Torres blandaði Getafe við umræðuna með ummælum sínum.
Joshua Barnett, umboðsmaður Bale, var spurður út í þessi ummæli forsetans og sagði þau ekki eiga sér neina stoð í raunveruleikanum.
„Ég er ekki einu sinni með númerið hjá forseta Getafe...," svaraði hann.
Athugasemdir