Kantmaðurinn Jason Daði Svanþórsson er kominn inn á sem varamaður hjá íslenska landsliðinu gegn San Marínó.
Lestu um leikinn: San Marínó 0 - 1 Ísland
Þessi efnilegi leikmaður hefur verið að spila gríðarlega vel með Breiðabliki í sumar og er búinn að skora fjögur mörk í átta leikjum í Bestu deildinni.
Jason var að leika í Lengjudeildinni með Aftureldingu fyrir tveimur árum en er núna kominn inn á í sinn fyrsta landsleik, og líklega ekki þann síðasta.
Markvörðurinn Patrik Sigurður Gunnarsson er einnig að leika sinn fyrsta A-landsleik í kvöld.
Annars hefur þessi leikur verið vægast sagt slakur og fátt jákvætt sem er hægt að taka úr honum, nema það að þessir leikmenn eru að spila sinn fyrsta landsleik.
Athugasemdir