Davor Suker ræðir við forseta Íslands.
HM goðsögnin Davor Suker, forseti króatíska knattspyrnusambandsins, býst við erfiðum leik gegn Englandi í undanúrslitum HM á miðvikudaginn.
„Ég horfði á leik Englands gegn Kólumbíu og Englendingar voru heppnir að komast áfram. En ég er þó mjög hrifinn af liði þeirra," segir Suker.
„Þetta er fótbolti, 11 stríðsmenn gegn 11. Við verðum að virða enska liðið. Southgate hefur gert frábæra hluti. Ég á marga vini á Englandi og þekki þetta lið vel."
„Ég tel að þetta verði 50-50 leikur. Vonandi munum við geta hvílst vel fyrir leikinn. Ég ætla að finna huggulegan veitingastað í Moskvu, við bjóðum öllum leikmönnum og starfsliðinu í góða máltíð og afslöppun. Ég veit hvað leikmenn þurfa."
Suker fór fögrum orðum um Luka Modric, skærustu stjörnu króatíska liðsins.
„Hann er að spila frábærlega. Hann er út um allt á miðjunni. Hann stýrir leikjunum snilldarlega og hjálpar öllum í liðinu. Hann er frábær fyrirliði og leiðtogi. Þú þarft að hafa svona gaur. 1998 vorum við með Zvonimori Boban, stórt nafn og stór karakter," segir Suker sem varð markakóngur á HM 1998 þegar Króatía hafnaði í þriðja sæti.
Athugasemdir
