Griezmann ekki mættur til æfinga
Antoine Griezmann, helsta stjarna Atletico Madrid undanfarin ár og einn besti leikmaður heims, mætti ekki til æfinga hjá Madridarfélaginu á sunnudag samkvæmt heimildum ESPN FC.
Griezmann tilkynnti eftir síðustu leiktíð að hann væri á förum frá Atletico og Barcelona ætlaði að fá leikmanninn í sínar raðir. Riftunarákvæði í samningi Griezmann lækkaði úr 200 milljónum evra niður í 120 milljónir evra þann 1. júlí síðastliðinn og virtist einungis tímaspursmál um hvenær Barcelona myndi bjóða þá upphæð í Griezmann.
Griezmann tilkynnti eftir síðustu leiktíð að hann væri á förum frá Atletico og Barcelona ætlaði að fá leikmanninn í sínar raðir. Riftunarákvæði í samningi Griezmann lækkaði úr 200 milljónum evra niður í 120 milljónir evra þann 1. júlí síðastliðinn og virtist einungis tímaspursmál um hvenær Barcelona myndi bjóða þá upphæð í Griezmann.
Barcelona bauð þá upphæð á föstudag en í raðgreiðslum sem Madridarfélagið gat neitað og gerði það samdægurs. Bjóði Barcelona 120 milljónir evra í staðgreiðslu getur Atletico ekki neitað.
Þar sem ekki var búið að selja Griezmann á sunnudag var hann kallaður til æfinga hjá félaginu á sunnudag en hann er ekki enn mættur. Atletico ætlar að sekta hann um hámarksupphæð sem félagið getur sektað hann um. Upphæðin hljóðar upp á um 200 þúsund evrur.
Stjórnarmenn Atletico eru pirraðir á Griezmann sem var ákveðinn að yfirgefa félagið og á að hafa samið við Barcelona í mars um að ganga í raðir félagsins í sumar.
Joao Felix hefur nú þegar fengið treyju númer sjö hjá Atletico en það er treyan sem Griezmann lék í.
Athugasemdir
