Rúnar Már Sigurjónsson.
Rúnar Már Sigurjónsson og félagar hans í Astana frá Kasakstan unnu heimaleik sinn gegn rúmenska félaginu CFR Cluj í forkeppni Meistaradeildarinnar í dag.
Rúnar Már, sem er nýgengin í raðir Astana frá Grasshopper í Sviss, spilaði allan leikinn fyrir Astana.
Eina mark leiksins kom upp úr hornspyrnu sem Rúnar tók. Lokatölur 1-0, en leikurinn í dag fór fram á heimavelli Astana.
Kolbeinn Sigþórsson lék síðustu 25 mínúturnar þegar AIK frá Svíþjóð tapaði gegn Ararat-Armenia, toppliði armensku úrvalsdeildarinnar. Robert Lundström, varnarmaður AIK, fékk að líta sitt annað gula spjald eftir 13 mínútur, en þá var staðan 1-0 fyrir Ararat-Armenia eftir mark úr vítaspyrnu á þriðju mínútu.
Einum færri tókst AIK að halda sér inn í einvíginu. Leikurinn endaði 2-1 og fer seinni leikurinn fram í Svíþjóð í næstu viku.
Íslandsmeistarar Vals taka á móti Maribor í forkeppni Meistaradeildarinnar á morgun.
Athugasemdir
