Ásmundur Arnarsson, þjálfari Fjölnis.
„Fyrst og fremst ánægður með þrjú stig, góðan sigur á heimavelli,'' sagði Ásmundur Arnarsson, þjálfari Fjölnis, eftir 2-1 sigur á móti Selfossi í elleftu umferð Lengjudeildarinnar.
Lestu um leikinn: Fjölnir 2 - 1 Selfoss
„Mér fannst við byrja leikinn sterkt, eins og við ætluðum. Við komum okkur fljótlega í góða stöðu, 2-0 í hálfleik og ætluðum að fylgja því eftir með kröftugum seinni hálfleik.''
„Það gekk hins vegar ekki, mér fannst Selfyssingarnir betri í seinni hálfleik og náðu góðu marki. Þeir lágu aðeins á okkur í lokin. Sem betur fer náðum við að halda þessu og klára þrjú langþráð stig.''
Hans Viktor Guðmundsson, leikmaður Fjölnis, er búinn að vera lengi meiddur og spurt var um heilsu hans.
„Hans er búinn að vera í þrálátum meiðslum frá því í febrúar, en hann reimaði á sig takkaskó í fyrsta sinn í vikunni og fékk að vera smá stund með á æfingu. Vonandi styttist í hann,'' segir Ási um stöðuna á Hans.
Hægt er að horfa á allt viðtalið fyrir ofan.
Athugasemdir
