„Alltaf þegar ekki er búið að leysa ákveðið mál þá þarftu að hafa áhyggjur. En ég hef fulla trú á forseta okkar að græja þetta mál; það er mjög mikilvægt fyrir félagið og einnig fyrir La Liga að besti leikmaður í heiminum verði áfram hjá okkur. Við þurfum öll að sjá til þess að hann verði áfram," sagði Koeman.

Skuldastaða Barcelona er slæm og er félagið að reyna losa leikmenn frá félaginu til að geta boðið Messi nýjan samning.

Messi er þessa stundina með argentínska landsliðinu sem undirbýr sig fyrir úrslitaleik Copa America sem fram fer á laugardagskvöld. Þar mætir Argentína liði Brasilíu og fer leikurinn fram í Rio de Janeiro.