FH og Afturelding skildu jöfn í toppbaráttuslag í Lengjudeild kvenna í kvöld. Leikið var í Kaplakrika.

Staðan var markalaus eftir fyrri hálfleikinn, en eftir tíu mínútur í seinni hálfleik skoraði Elín Björg Norðfjörð Símonardóttir og kom FH í forystu.

Mönnum var heitt í hamsi á hliðarlínunni og fengu tveir aðilar úr starfsliði Aftureldingar að líta rauða spjaldið á 82. mínútu en stuttu eftir það jafnaði Afturelding metin. Jade Arianna Gentile skoraði jöfnunarmarkið.

Þar við sat og lokatölur 1-1. Liðin eru jöfn að stigum í öðru og þriðja sæti deildarinnar. Þau eru þremur stigum á eftir toppliði KR.